සමනලුන්ට දැල් දැමූ කල්ලිය දැලේ
අන්තර්ජාලයේ යෙදුමක් හරහා සමරිසි පුද්ගලයන් එකිනෙකා හදුන්වා දෙන බව ප්‍රසිද්ධ කර උපක්‍රමශීලීව දෙමහල් පාළු නිවසකට ගෙන්වා පහර දී නිරුවත් කර එම දර්ශන පටිගත කර අන්තර්ජාලයට මුදා හරින බව කියා, කප්පම් කල්ලියක් අත්අඩංගුවට ගත් බව මිරිහාන මූලස්ථාන පොලිසිය කියයි. එම සැකකරුවන් සන්තකයේ තිබී ජාවාරම සඳහා යොදාගත් ස්මාර්ට් වර්ගයේ දුරකථනයක් ඇතුළු දුරකථන හයක් හා පැමිණිලිකරුගේ ජාතික හැඳුනුම්පත,හෙරොයින් මත්කුඩු ග්‍රෑම් 6 ක් සහ අයිස් මත්ද්‍රව්‍ය ග්‍රෑම් 2 ක් පොලිස් බාරයට ගෙන ඇත.