අධිකරණ වරෙන්තු ගණනාවක් ඇති දකුණේ පාතාල කල්ලි සාමාජිකයකු ඇමරිකාවේ නිෂ්පාදිත ස්වයංක්‍රීය පිස්තෝල ගිනි අවියක් සහ එයට යොදන ජීව උණ්ඩ 10 ක් , හෙරෝයින් මිලි ග්‍රෑම් 2200 ක් ජංගම දුරකථනයක් සමග ගල්කිස්ස දූෂණ මර්දන ඒකකය මගින් බඩෝවිට 2 අදියරේදී අත්අඩංගුවට ගෙන ඇතැයි ගල්කිස්ස පොලීසිය පැවසීය.
සැකකරු තාවකාලිකව පැපිලියාන ප්‍රාදේශයේ පදිංචිව සිට ඇති අතර දකුණේ අපරාධ ගණනාවකට අධිකරණ වරෙන්තු ගණනාවක් ඇති පොලීසිය සොයමින් සිටි පුද්ගලයෙකු වන බවත් පොලීසිය කියයි .
යුක්තිය මෙහෙයුමට සමගාමීව ගල්කිස්ස මූලස්ථාන ප්‍රධාන පොලිස් පරීක්ෂක දිලීප සී පෙරේරා, දූෂණ මර්දන ඒකකය ස්ථානාධිපති පොලිස් පරීක්ෂක චමින්ද කුරඹගේ මහතා ඇතුලු නිලධාරින් කණ්ඩායමක් විසින් බඩෝවිට දෙවන අදියරේදී සිදුකල විශේෂ අපරාධ නිවාරණ රාජකාරියේ දී හෙරෝයින් මිලි ග්‍රෑම් 2200 ක් සමග අත්අඩංගුවට ගෙන ජංගම දුරකථනය පරීක්ෂාවට ලක්කල විට එහි ගිනි අවියක ඡායාරූපයක් තිබී ඒ සම්බන්ධව සිදු කළ විමර්ශනයට අනුව සැකකරුගේ නවාතැන්පල සඟවා තිබූ මෙම ගිනි අවිය සොයා ගැනීමට හැකිවී ඇතැයිද පොලීසිය පැවසීය.
