කියන්න යන්නේ තවත් ඛේදනීය පුවතක්. ඒ පුංචි පුතාට හරියටම වයස අවුරුදු 3යි. තවමත් කිසිවක් ගැන හරි හැටි අවබෝධයක් නෑ කියලා ආයේ ඉතින් අමුතුවෙන් කියන්න ඕන නැහැ නේ.
මේ පුංචි පුතා පදිංචි වෙලා හිටියේ මිද්දෙනිය වික්‍රම මාවත නැගෙනහිර ප්‍රදේශයේයි. නොසිතූ මොහොතක මසුන් ඇතිකරන ජල ටැංකියකට වැටී මෙම දරුවා මියගොස් තිබෙනවා..
ඊයේ (07) සවස මෙම අනතුර සිදුව ඇති බවයි, පොලීසි පැවසුවේ. කෙසේ වෙතත්, පොලීසිය කළ විමර්ශනයේ දී අනාවරණය වී ඇත්තේ, නිවස ඉදිරිපිට සුරතල් මසුන් ඇති කිරීමට තනා තිබූ ජල ටැංකියට වැටී මෙම දරුවා මියගොස් ඇති බවයි..
මරණය සම්බන්ධයෙන් මිද්දෙනිය පොලීසිය වැඩිදුර විමර්ශන සිදුකරනවා…
