අපේ පැටව් ජයගත් ජගත් චෙස් තරගාවලිය

ජාත්‍ය­න්තර චෙස් ශූර­තා­වලි දෙක­කට සහ­භාගී වී පද­ක්කම් දිනූ තෙහස් කිරි­න්ගොඩ සහ ඔෂිනි ගුණ­ව­ර්ධන ඊයේ අලු­යම යළි කටු­නා­යක ගුව­න්තො­ටු­ප­ළින් මෙර­ටට පැමි­ණි­යහ..

මෙහිදී ආසි­යානු චෙස් සම්මේ­ල­නය මඟින් කස­ක­ස්තා­න­යේදී පැවැත්වූ ආසි­යානු යොවුන් චෙස් ශූර­තා­ව­ලියේ දී ශ්‍රී ලංකාව නියෝ­ජ­නය කර­මින් අවු­රුදු 10 න් පහළ බාලක තර­ග­යට සහ­භාගී වූ තෙහස් කිරි­න්ගොඩ රිදී පද­ක්ක­මක් දිනා ගැනී­මට සමත් වී තිබිණි.

එසේම ජාත්‍ය­න්තර චෙස් සම්මේ­ල­න­යට වසර 100ක් පිරීම නිමි­ත්තෙන් ජෝර්ජි­යාවේ පැවති ලෝක ශූරතා චෙස් තර­ගා­ව­ලි­යේදී අවු­රුදු 12න් පහළ බාලිකා තර­ග­ව­ලට එක්ව ඔෂිනි ගුණ­ව­ර්ධන ලෝකඩ පද­ක්කම දිනා ගැනී­මට සමත් වූවාය.

ඊයේ ඩුබායි සිට කටු­නා­යක ගුව­න්තො­ටු­පළ වෙත පැමිණි ඔවුන් පිළි­ගැ­නී­මට එම පද­ක්ක­ම්ලා­භීන්ගේ මවු­පි­යන්, එම සිසුන් ඉගෙ­නුම ලබන පාස­ල්වල ගුරු­භ­ව­තුන් මෙන්ම ජාතික චෙස් සම්මේ­ල­නයේ නිල­ධා­රීහු ද ගුව­න්තො­ටු­පළ වෙත පැමිණ සිටි­යහ.