ත්‍රිකුණාමලය දිස්ත්‍රික් පාර්ලිමේන්තු මන්ත්‍රී ආර්. සම්බන්ධන් මහතාගේ අභාවයත් සමග හිස් වූ අසුන වෙනුවෙන් එම පුරප්පාඩුවට මනාප ලෑයිස්තුවේ ඊළඟ අපේක්ෂකයා ලෙස සිටි කදිරවේලු සම්මුගම් කුගදාසන් මහතා මැතිවරණ කොමිෂන් සභාව විසින් නම් කරනු ලැබීය .
රහස් පොලිසියට එරෙහිව පැය දහයක රහස් ප්‍රකාශයක් මහේස්ත්‍රාත්වරයා හමුවේ ලබා දුන් අවුරා ලංකා සමාගමේ සභාපති විරංජිත් තාබුගල සැකකරුට ඇතැයි කියන ජීවිත තර්ජන සම්බන්ධයෙන් නියෝග නිකුත් කිරීම ලබන 10 දින සිදුකරන බව කොළඹ අතිරේක මහේස්ත්‍රාත් පවිත්‍රා සංජීවනී පතිරාජ මහත්මිය අද (03) දන්වා සිටියාය.
කොළඹ කුරුඳුවත්තේ පිහිටි ජාත්‍යන්තර පාසලක අධ්‍යාපනය ලැබූ 15 හැවිරිදි සිසුවා සහ සිසුවිය කොම්පඤ්ඤවීදියේ පිහිටි සුපිරි මහල් නිවාස සංකීර්ණයේ 67 වැනි මහලින් බිමට වැටී මිය යෑමට පෙර එම ගොඩනැඟිල්ලෙහි පස් වැනි මහලේ ඇති කායවර්ධන මධ්‍යස්ථානයට ගොස් සිය පාසල් ඇඳුම් ගලවා වෙනත් ඇඳුම් ඇඳ ඉහළ මහලට ගොස් මෙම අනතුරට මුහුණදී ඇති බව විමර්ශනවලින් හෙළිවී තිබේ.
පොලිස්පති දේශබන්දු තෙන්නකෝන් මහතාගේ නම සඳහන් කරමින් මේ දිනවල සමාජ මාධ්‍යවල සංසරණය වන ලිපියක් පිළිබඳව අපරාධ පරීක්ෂණ දෙපාර්තමේන්තුව විශේෂ විමර්ශනයක් ආරම්භ කර තිබේ.
විවාහ වීමට කැමැත්ත පළ නොකිරීම හේතුවෙන් පිරිමි පුද්ගලයෙකුගේ ලිංගේන්ද්‍රිය කපා ඔහුට පහරදුන් වෛද්‍යවරියක් බිහාර් පොලිසිය විසින් අත් අඩංගුවට ගනු ලැබ ඇතැයි ඉන්දීය මාධ්‍ය වාර්තා කළේය.
ගල් මුල් හෝ මඩ ගසා මාලිමාව වැට්ට විය නොහැකි බව සතුරන්ට අවධාරණය කරන්නේය යැයි ජාතික ජන බලවේගයේ නායක පාර්ලිමේන්තු මන්ත්‍රී…
ලිට්‍රෝ සමාගම විසින් ගෘහස්ත ගෑස් මිල අඩුකර තිබේ.
මෙම මිළ සංශෝධනයට අනුව කිලෝ 12.5ක ගෘහස්ත ගෑස් සිලින්ඩරයක මිල රුපියල් 100කින් අඩුකර ඇත.
බෝම්බයක් ඇති බවට ලැබුණ තොරතුරකට අනුව මහනුවර මහාධිකරණ සංකීර්ණය පූර්ණ පරීක්ෂාවකට ලක් කර ඇතැයි වාර්තා වෙයි.
නීති විරෝධී වත්කම් විමර්ශන කොට්ඨාසයේ උසස් පොලිස් නිලධාරියකු පැවසුවේ පියුමි හංසමාලි මහත්මියගෙන් ප්‍රකාශයක් ලබාගැනීමට පෙර දිනයක ඇයට කැඳවීමක් කළද නොපැමිණි බවය. ඒ වෙනුවට ඇය ඊයේ පැමිණෙන බව දැනුම් දී තිබුණු බව ද එම නිලධාරියා කීය. ඇය පැමිණෙන බව දැනුම් දුන්නද එය පිළිගෙන ඇයට මෙදින පැමිණෙන ලෙස නීති විරෝධි වත්කම් විමර්ශන අංශය විසින් නැවත දැනුම්දීමක් කර නොතිබිය දී ඇය පැමිණි බැවින් ප්‍රකාශ සටහන්කර ගැනීමක් සිදු නොවූ බව ද එම නිලධාරියා පැවැසීය.
තුල්හිරිය අධිකරණ භූමියේ දී බන්ධනාගාර නිලධාරීන්ගෙන් මිදී පැන ගිය රැඳවියන් දෙදෙනකු යතුරුපැදියක් සොරාගෙන අත් මාංචුපිටින්ම කිලෝමීටර් 65ක් දුරක් පදවාගෙන පැමිණ මොරගහහේන ඔලබොඩුව නිවසක වෙස්වලාගෙන සැඟව සිටියදී එක් රැඳවියකු ඊයේ (1) අත්අඩංගුවට ගත් බව මොරගහහේන පොලිසිය කියයි.
